Bêreboksie vol Vlerke

Kaapse skrywer en kunstenaar Lidi de Waal,  en musikant/komponis Lizanne Barnard se koppe en harte het mekaar gevind met die skep van hierdie besonderse komiese en hartroerende produksie.

‘n Wêreldwyse, eksentrieke Ouma wat nie op die bek geval is nie, se staaltjies van (verbode) liefde en leed op ‘n eng klein dorpie word meesterlik en innig vertolk deur die skitterende aktrise, Ira Blanckenberg. Ouma se stories word waargeneem deur Die Kind en later Die Vrou en so vervleg ‘n lewe met ander lewens en word uiteindelik ‘n verhaal wat ons almal kan vertel.

Die musiek vir Bêreboksie vol Vlerke is in 2021 benoem vir ‘n Ghoema Toekenning. Lidi de Waal kom kuier saam met ‘n uitstalling van haar boeke en magiese kunswerke. ATKV-wenner Lizanne Barnard was o.a. betrokke by die bekroonde produksie Landskap en was verantwoordelik vir die musiek en musiekregie van die bekroonde musiekgedrewe produksie  Uit die Bloute.

Geskep deur: Lidi de Waal en Lizanne Barnard

Vervaardiger: Word Stil en Luister Produksies

Duur van vertoning: 80 minute.